Nongpoh, Jymmang 26: Ka jingphikir haka leit ka wan haka por kaba pyndonkam ban leit jingleit da ki kali arshaka ka dei kawei na ki mat kiba ka tnat pulit lyngba ki pulit pynbeit kali lane ki Traffic Branch ki ju mih ban pynkynmaw ba ki paidbah kiba pyndonkam ban leit jingleit da ki kali arshaka ki dei ban phong iaka Helmet, na ka bynta ban iada na kiba bun ki jingmynsaw bad kaba long ka kyndon ain haba niah iaki kala arshaka.
Ha kine ki sngi kiba ki briew ki suk ban leit ban wan da ki kali arshaka kim ju pynmlien ialade ban pyndonkam helmet. Hynrei ki bor pulit ka Nongpoh Police Station ki la mih beit na ka por sha ka por ban bat iaki kali arshaka kiba iaid lyngba ka surok bad kumjuh ki Sub Way lane ki surok shnong ba ki dei ban phong iaki Helmet haba ki niah kali arshaka, ha kane ka sngi kaba mynta ruh kata haka 26 tarik u Jymmang 2024 ki pulit ki la bat naphang ia kiba pynkhein ain bad dain ruh iaka kuna pynkhein ain, ki pulit ka Nongpoh Police Station ki la ioh ruh ban bat iaki nongleit jingleit kiba wan nabar ka jylla kiba wan da ki kali arshaka khlem da phong helmet.
Ia kane ka jingtalasi iaki kali arshaka la pynlong mynta ka sngi Nongpoh ha kaba kiba bun ki nongniah bike bad scooty ki la shah bat ryngkat ka jingshah dain kuna, kane kan long kum ka jingsneng iaki paidbah ba ki dei ban bud iaki ain ki kyndon haba niah iaki kali arshaka.