Nongpoh, 1 October 2024: Ka lympung ialehkai kriket Jong ka NECDC kaba lah tip kum ka 1st Senior’s Women Interstate Friendship T20 Tournament kaba lah pyniaid da ka Meghalaya Cricket Association kaba lah sdang haka lah sngi u Blei kata haka 30th Tarik Nailar 2024 ha Madan cricket Pahamsning kaba ha Nongkhrah Ri Bhoi District kaba dei ka Madan Cricket kaba peit ba khmih da ka Ri Bhoi District Cricket Association.
Ha kane ka Tournament lah wan ban iashimbynta haduh 6 tylli ki Jylla kiba don sha ka thain Shatei Lammihngi ka ri India lane ka Northeast India, Kiba kynthup ka Meghalaya, Mizoram, Arunachal Pradesh, Sikkim bad Nagaland.
Ha ka jingsdang Jong kane ka lympung lah sdang ban ialehkai hapdeng ka Arunachal Pradesh bad ka Meghalaya ha kaba kine ki artylli ki jylla ki la iaryngkat bor bad ki la ioh iaka score kaba mar 78 runs bad ia kane ka jingialehkai hapdeng kine ki ar kynhun la pynban da ki Umpire ba kine ki artylli ki kynhun ialehkai ki ia ryngkat bor lane ia tie.
Haka jingialehkai kaba ar kaba la ialehkai hapdeng ka Mizoram bad ka Nagaland, ka Nagaland ka lah jop ia ka Mizoram da 62 runs.
Ha Kane ka lympung lah wan ban don ryngkat da u President Jong ka Meghalaya Cricket Association u Naba Bhattacharjee ha ka jingiadonryngkatlang u Vice President ka MCA u Bah Rayonald Kharkamni uba dei ruh u President ka RBDCA, U Vice President RBDCA u Bah Ferdinald kharkamni, u Secretary RBDCA u Bah Michael Kharhunai, u Secretary ka Mizoram Cricket Association u Lalrem Ruata, u Treasurer ka MCA u Dhrubajyoti Thakuria lem bad kiwei kiwei.
Ka lah don ruh ka jingai sngewbha ia ki Coach ki Team Manager bad ia ki thei ialehkai Jong ki 6 tylli ki kynhun bad ha Kane ka sngi lah ai ruh ia ka Khusnam kum ki thei ialehkai batbit tam bad ia kane lah ioh da ka Debasmitta Dutta kaba dei na ka kynhun Meghalaya bad ka Limatola Ao na kaba na ka kynhun Nagaland
