Nongpoh, April, 15: Ka jinglap jong ki paidbah shnong iaka metiap jong uwei u hati haka khlaw kaba don ha 14 mer ha thain Byrnaihat ka la pynlong iaki nongtrei ka tnat Forest ha Ri Bhoi ban mareh bran bran sha katei ka khlaw ban pynlong iaka jingjurip haka jingialam jong u Bah Leening Wahlang uba dei u Range Forest Officer ryngkat ki staff.

Ha katei ka jingleit jurip bad katto katne ki jingtohkit la suba jur ba ka jingiap jong une u hati ka lah ban dei na ka daw jong ka jingshahbat haka bording elektrik namar kumba lah ban sakhi ia kane ka jaka, u sainar elektrik uba la pyniaid lyngba kane ka khlaw u synjor bha bad jan kot madan.

La lah ruh ban sakhi ba haki katto katne ki bynta ka met jong u hati ki la don ki dak ingkhong kumba ing ding.