Nongpoh, 15 April 2025. ki bor pulit pyniaid kali ha Nongpoh Ri Bhoi District ki la nang iai bteng ban pyrkhing iaka iaid ka ieng jong ki kali namar ka jingbun jong kiba niah kali khlem da burom iaki kyndon ain haba niah kali. Ia kane la pynlong na ka bynta ka jingshngain jong ki paidbah nongleit nongwan bad ruh ba kin burom ialade haba ki niah kali.

Kane ka jingtalasi iaki kali da kaba pynsangeh bad peit iaki nongniah bad khmih thuh la ki don hapdeng ka met kaba khlem dih kyiad ne ki don hapdeng ka jingdih buaid, kane ka la pynlong ia baroh arliang ki service lane ban dap da ki kali kiba lah bat da ki pulit kiba niah kali hapdeng ki jingdih kyiad.

Ym tang haka por mynmiet hynrei ki pulit ka Nongpoh Police Station ki pynlong ruh iaka jingtalasi haka por mynsngi, kane ka jingtalasi ka kynthup iaki kali saw shaka bad ruh ki kali arshaka bad la pynlong iaka jingtalasi naphang iaki kali kiba na Jylla bad kumjuh kiba wan nabar ka Jylla Meghalaya.

Ha kane ka jingpynlong iaka talasi, bad hadien ka jingbat iaki kali kiba don iaki nongniah kiba pynkhein ain ki bor pulit ki la buh ruh iaka kuna kaba kiba pynkhein ain ki hap ban siew.

Tang hynnin ka sngi, haka por mynsngi ki pulit ki la dain kuna iaki kali bad poi ka jingioh dain kuna haduh T. 1,01,500, kaba kynthup iaka pisa kaba T. 9,500 bad kaba ki paidbah kim pat siew lane ka pending challan ka poi haduh T. 92,000 tyngka. Bad haka por mynmiet pat, ki bor pulit ki la lum iaka kuna na ki paidbah haduh T. 90,000 tyngka, ha kaba ki la iohpdiang iaka pisa kaba T.1,500 bad kaba ki paidbah ki dang hap ban wan siew lane ka pending challan ka poi haduh T. 88,500 tyngka