Nongpoh 17 tarik Naitung: Kum ka jingrakhe buh jingkynmaw iaka lyngkhuh sngi iap kaba 190 Snem jong u Syiem Tirot Sing Syiem. Mynta ka sngi ka Seng Khasi Students Union North Khasi Hill District Unit kala leit ban rakhe ia kane ka sngi sahkynmaw haka shnong Jatalong kaba dei kai na ki Shnong Khasi kaba don haki khappud jong ka Jylla ha Ri Bhoi District, kaba la pynlong ruh haka Skul Maitshaphrang LP School kaba dei ruh ka skul kaba la shim jingkitkhlieh da ka Seng KSU.
Kum ka jingpynsah jingkynmaw ia kane ka sngi, ka Seng ka la ai sngewbha ruh da ki kor kompiwter sha ka skul, nangta kaba kham sngew myllung eh ka dei ba nalor ki jingkyrshan ia baroh ki jingdonkam jong ki khynnah pule kane ka skul ka Seng ka ai sngewbha da ki jainsem iaki kmie jong ki khynnah skul baroh.
Shuh shuh ban nangai jingtip sha ki paidbah ka thain Jatalong iaka jingiaid lynti jong ka Rilum Khasi bad ka jylla naduh ki por kiba kham mynshwa tad haduh kine ki sngi kiba mynta, naduh ka jingiakhun pyrshah iaki mynder ri, ka jingiakhun ka Seng iaki bor sorkar bad ka jingiakhun ban iada ia la ka ri namar ki jingshah thombor haki riew poiei, la pyni iaka Documentary Film jong ka Seng kaba la tip kum ka KSU Shirta 1978
ha kane ka sngi la ia don ryngkatlang naduh u President ka Seng na North Khasi Hills District u Samla Ferdynald K Kharkamni, u General Secretary ka Seng u Samla James H Mawphñiang, u Education Secretary u Samla Toning Lapang u Samla Banjop Maring, ka Headmistress jong ka Maitshaphrang LP School Jatalong ka kong Ribakmen Synrem, u Rangbah Shnong ka Jatalong u Phrilin Mynsong, u President ka Synjuk NongSynshar Shnong ka Raid Nongtung u Bah Blikstar Sohtun ki Nonghikai lem bad ki kmie ki kpa jong ki Khynnah Skul katto katne ki riew paidbah katei ka thain
