Nongpoh | 15 Naiwieng 2025: Ka jingialehkai football kaba la pyniaid da ka Seng TULBA Eastern Zone ka la nangiaid shaid shaid bad ka long kaba skhem ha ka jingpyniakhun kaba la wanrah ia ka jingïakhun kaba itynnad hapdeng ki kynhun ialehkai kiba la iashim bynta ha kane ka lympung.

Myn haka sngi Saitjain, ka jingïakhun hapdeng ka Lumdaitkhla Bhoirymbong SC bad ka Nonglum SC ka la long kaba shongshit bha, ha kaba ki ar kynhun ki la iathep mar lai kol (3–3). Da kaba ym lah pynkut ha ka por ba biang, ka jingïakhun ka la bteng sha ka tie-breaker. Ha kane ka jingïashut ki paramarwei, ka Lumdaitkhla Bhoirymbong SC ka la khur ka jingjop bad pynrem noh ia ka Nonglum SC.

Kum ka jingai mynsiem ia ki nongialehkai, la sakhi lang ia ka jingïakhun da u Bah Kambha Shadap, Rangbah Shnong ka Umket. Ha kane ka sngi la iadonlang ruh ki dkhot ka Seng TULBA, u Bah Hosbar Mukhim, u Bah Sam Kurbah bad u Bah Dameio Lamare.