Nongpoh 1 Naiwieng 2024: Ka jingnang lah jong ki samla ialehkai football jong ka Dong Ri Bhoi ban nangkiew kyrdan na kawei ka lympung sha kawei pat bad ka jingtrei shitom jong ki nongialam na ki Club bapher bapher ka la nangpaw katba ki sngi ki la nangiaid bad katba ki jingialehkai na ki lympung bapher bapher ki don, ki nongialehkai football na Ri Bhoi District kum ban shu ong ba ki wan bha shakhmat bad ki wanrah ruh iaki nam jop na ki lympung ialehkai ba bun.
Da ka jingsngewieid ia kane ka jinglah jong ki samla ka thain ban nangkiew haki jingialehkai football, haka jingleit ialehkai ka kynhun na Shnong Mawtari Myrdon sha ka jingialehkai Meghalaya State League kaba kane ka jingialehkai ka dang iaid shait shait, hynnin ka sngi kata haka 31 tarik u Naiwieng 2024 katba ka Mawtari Myrdon Sports Club ka dang pynkhreh ban iakhun iaka jingialehkai pyrshah iaka 7 wasa u Bah Rocky Marwein uba dei uwei na ki rangbah uba ju ieid bad sngewtynnad ban kyrshan iaki samla ialehkai u la leit ban ai mynsiemlang ia kitei ki samla haka jingiadonlang jong u Rangbah Shnong ka Mawtari Myrdon, nangta u Bah B Lyngdoh uba dei u Chairman ka Football Committee jong ka RBDSA lem bad kiwei kiwei.
Kum ban shu pynkynmaw ba haka jingialehkai kaba nyngkong ka Mawtari Myrdon ka la pynrem iaka Seinbhalang Shkentalang da 3 kol la 1 kol, bad ha kane ka sien ialehkai kaba ar ruh kata hynnin ka Mawtari Myrdon ka la jop biang sa shisien da kaba pynrem noh iaka 7 Wasa da 2 kol la not.
Na ka jingdon jong ki kynhun ialehkai kiba la pynmih na Ri Bhoi District ka la long ka burom kaba khraw na ka jinglah jong ki samla ban ialehkai bha.
