Nongpoh, 28 Risaw 2024: Da ka jingsngewburom halor ka jingiohlad ki samla na ka Mawtari Myrdon Sports and Cultural Club ban ioh leit iashimbynta sha ka Meghalaya State League hadien ka jingjop na ka Ri Bhoi League ha u snem 2023 kaba la long kum ka Champion na ka lympung kaba la pyniaid da ka Ri Bhoi District Sports Association ha u snem ba lah dep.

Kum ban shu kdew ba ka Mawtari Myrdon Sports and Cultural Club ka dei ka kynhun ialehkai football na Ri Bhoi District ban ioh leit iashimbynta haka Meghalaya State League ia kaba la pynlong ha Wahiajer Multi Sports Complex ha Ri lum Jaintia.

Lah ruh ban kdew ba ki Nongialam jong ka RBDSA haka jingialam jong u President u Bah RB Shadap ka ju pynlong ia kiba kum kine ki jingai mynsiem iaki samla ialehkai jong ka District, kynthup naduh ka jingai ka kyrkhu kyrdoh ia kino kino ki Nongialehkai bad haki jait jingialehkai bapher bapher haka por ba ki mih na ka District bad ruh ka ju pynlong ruh iaka jingpdiang burom iaki nongialehkai na ki jait jingialehkai bapher bapher hadien ba ki wanphai na ki jingialehkai na kylleng ki jaka kynthup de iaki jingialehkai kiba ki nongialehkai ki wan ialehkai na shabar jong ka Ri ruh.

Kane bunsien ka long ka jingheh mynsiem jong ki kynhun ialehkai haba ka don ka jingkyrkhu kyrdoh iaki hashwa ba kin mih na ka District bad ruh ka jingioh mynsiem hadien ba ki la wanphai na ki jingialehkai. Kumba long mynta ka District Ri Bhoi ka wan bha shakhmat haki jingialehkai bapher bapher bad khamtam haka jingialehkai Football ka wan bha shakhmat, hynrei lada peit pat iaka jingduna haki madan ne ki jingiarap na ka sorkar ki duna bha, lehse ka lah dei ka por ba ka Sorkar ka lah dei ban phaikhmat bha sha kane ka District ban nangkyntiew iaki nongialehkai kane ka District khnang ba ki ka mialehkai hapoh ka Jylla kin nangpaw haba ki samla ki leit iashimbynta shabar ka Jylla Meghalaya.