Nongpoh, 10 Risaw 2024: Na ka jingiaid jong ka por sha ka juk kaba thymmai kaba ki samla pule hadien ka jingpyndep iaki kyrdan pule bapher bapher hynrei ka jynjar bha pat ban rung sha ka kam ka jam, la ka dei haka kam sorkar ne kiwei ki kam namar ki jingdonkam ban pyndep sa ia kiwei pat ki jingtbit haki jingpule. Kane ka la pynlong iaki nongkitkam bad ki nongialam jong ki kynhun bapher bapher kiba don iaka jingsngewkitkhlieh ia la ki para samla kiba dang ia ksaid ban iohrung kam ne ioh rung sha ki jaka pule ba kham shalor ban pynlong iaki jingai jingpynshai ne ki Awareness Programme.
Mynta ka sngi ka SELD Sub Committee jong ka Khadar Lyngdoh Shatei Pastorate jong ka Ri Bhoi Synod, ka la pynlong iaka Career Counselling Programme ha Ri Bhoi College ha kaba la wan ban iashimbynta da ki samla pule kane ka College kumjuh ruh kiba nabar lane ki bym dei kiba pule ha kane ka College.
Nalor ka jingdon jong kine ki samla pule kiba wan sngap ia katei ka Programme, la iashimbyntalang ruh kiNongmihkhmat paidbah ka nongpoh Constituency, U MLA u Bah Mayral Born Syiem bad u MDC U Bah Balajied Rani, ka Kong Balakyntiew Rani kaba de ia Addl. Deputy Commisioner ka Ri Bhoi District, ki Nongkitkam bad ki Nongialam jong ka SELD Sub Committee kiba kynthup ia u Pastor SR Pamshong uba dei u Pastor Incharge ka Khadar Lyngdoh Shatei Pastorate, U Pastor R Paslein uba dei u Executive Secretary ka Khatarlyngdoh Shatei Pastorate, u Bah HS Engleng uba dei u Secretary ka SELD, u Babu Gordon M Bruce uba dei u Resource Person lane u nongai jingpynshai halor katei ka phang jong ka Awareness Programme Career Counselling Programme.
Haba ai jingkren u MLA ka Nongpoh u Bah Mayral Born Syiem u la ong ba kiba kum kine ki Programme lane ki jingiakynduh ki long kiba duna briew bha bad kiba bun kim ju kheinkor ban wan iashimbynta, bad ong ba ki programme kiba wnarah da ki nongrwaibad ki nongtem nongpud ki dap beit ki jaka pynlong programme, u la bynrap da kaba ong ba ym dei ba u kynthoh ia kiba kum kita ki programme hynrei ki samla ki dei hi ban leit sha kita ruh ki programme hynrei pat dei ban pynlut iaka por kaba kordor jong ki kum ki samla pule ban po sha kiba kum kine ki programme kiban pynmyntoi ym tang ia u nongwan sngap iaka programme hynrei ka dei ruh ka jingmyntoi na ka bynta ka dong ka thain haba ki samla ki long kiba stad