2025-04-23 - Shillong Today News

MFA Clears 278 Player Transfers Ahead of 2026 Football Season

Meghalaya Football Association to open inter-district transfer from 28 April

BY-Admin 2025-04-23

Nongpoh, 23 April 2025. Ka lehniam leh rukom bad ka duwai ka phirat da kaba pynlong iaka knia ka khriam bad ka luh ka khan da kaba bud ryntih iaka jinglehniam u khun khasi kum ka kitbok kitrwiang, ka pynehbok ehksaw iaka long ka man bad ruh ka duwai ka phirat na ka bynta ka bit ka biang jong ki khun ki hajar. Ka Dorbar Raid Marngar ha Ri Bhoi District kaba dei kawei na ki Raid ha kane ka District kaba hap hapoh ka jingpeit jingkhmih jong u Syiem ka Hima Mylliem, mynta ka sngi ka la pynlong iaka lehniam pomblang ha Nongpoh haka Iew jong ka Raid kaba la tip kum ka Iew Nongpoh lane ka Iewmawlong kaba don haka shnong Iew Mawlong. Ha kane ka jinglehniam la pynlong iaka duwai ka phirat, ka lehniam leh rukom, ka shad ka mastieh da akba wanrah ruh ia ka blang ban ainguh ha u nongbuh nongthaw ban kyrkhu kyrdoh iaka jingim ki khun ki hajar ba kin bha ka kam ka jam, ka kamai kajih, ka khaii ka pateng, ka koit ka khiah bad kumta terter. Haka jingpom blang la ong ba lada ka khlieh jong ka blang kaba la buh ban pynlong kum ka jingknia kan hap hajrong jong ka sla kamut kane ka snem kan bit kan biang bad kan bha kan miat hynrei lada ka khlieh jong ka blang kan hap sharud jong u sla ba la buh kamut ka snem kam dei ka snem kaba bha, kumba ka long mynta ka sngi, ka khlieh jong ka Blang kaba la knia ka la hap hapoh u sla uba la buh hakhmat bad u Syiem ka Raid Marngar u la ong ba kane ka snem ruh kan dei ka snem kaba bit kaba biang. Nalor ki lehniam leh rukom kiba la leh ha kane ka sngi, la wan ruh ban sakhi ia kane ka lehniam pomblang da u Syiem ka Hima Mylliem u Paiem Ainam Manik Syiem, nangta ki Bakhraw Batri u Syiem Mylliem, ki longsan ki mansan kynthup de ia u Syiem ka Raid Marngar u Paiem Richard Syiemlieh ki longsan jong kane ka Raid bad kiwei kiwei. Haba iakren bad u Paiem Richard Syiemlieh uba dei u Syiem ka Raid Marngar hadien katei ka jinglehniam, u la pynpaw iaka jingkmen ba la lah ban pyndep iaka lehniam leh rukom haba rukom kaba dei bad kaba ym shem la don kano kano ka jingthut bad kaba sngewkmen eh ka dei kaba ka knia ka khriam ka dei kaba la pdiang da u nongbuh nongthaw bad ka kyrkhu kyrdoh ka dei kaba bit kaba biang ha kane ka snem.

PYNDEP KA RAID MARNGR IAKA LEHNIAM POMBLANG

BY-Admin 2025-04-23