Ka Lasubon Nongkynrih kaba ka khun jong I Late Leonel Chyne bad Kong Menola Nongkynrih ba dei na Mawlong Diengsiar, Shella Constituency bad kaba shong ba sah mynta ha Nongrah Nongpdeng, Shillong ka la ïoh ïa ka kyrdan Doctor of Philosophy (PhD) na ka Khasi Department, North Eastern Hill University, Shillong halor ka phang “Ka Kyrdan u Rangbah ha ka Pyrkhat Khasi: Ka Bishar Bniah ïa ki Sawangka ba la Jied” hapoh ka jingialam bad btin lynti jong I Prof. Streamlet Dkhar, HOD Khasi Department, NEHU, Shillong bad iba trei mynta I trei kum I Assistant Professor ha JJM Nichols Roy College, Shillong.
Ha kane ka Wad Bniah (Research) jong Ka Dr. Lasubon Nongkynrih ka la ktah ia ki mat jingkylla ha kaba ïadei bad ka kyrdan U Rangbah Khasi ha ïing kur ïing khun, ha ka imlang sahlang bad ha ka synshar khadar.
I la pyndep ïa Ka jingpule BA (Khasi) na Sohra Government College bad bud sa Ka MA (Khasi) Gold Medallist bad MPhil (A Grade) halor ka phang “Ka Pyrkhat Khasi Halor Ka Rap-Ïing Bad Ka Tingkhun: Ka Bishar Bniah Halor Ki Nobel Ngam Banse Bad U Kyrdoh Mawlynnai”na kajuh hi ka Skulbah NEHU, Shillong.